Uda garaian sartuta gaude bete betean. Ura tenperatura ederrean dago, surflari eta bainularien arteko liskar xelebreak ere hasi dira, eta olatuek ez dute neguko indarraren erdirik ere. Hasiberriak direnentzat, sasoi aparta da surfaren xarma dastatzen hasteko: lehen aparrak hartu, eroriko eta zilipurdiekin barre egin, zutik jartzen ikasi ...

Udako taulei bolumen gehiago eman ohi diegu, olatuen indar falta konpentsatu eta abiadura onean surf egin ahal izateko. Olatu txikietarako taulak diseinatzerako garaian, hau izan ohi da erronka nagusia: oholei bolumena handitzen joan ahala, performance kutsu handiena manten dezaten saiatzea.